Wo Na Aa Saka Samajh Mein Lyrics – Muhammad Samie

[Roman Urdu] Wo Na Aa Saka Samajh Mein Lyrics

Wo na aa saka samajh mein
Na sama saka nazar mein
Hai parda nasheen lekin
Jalwa-numa hai sab mein

Saqi ki nigaahon mein
Murshid ki panaahon mein
Mulla ki kitaabon mein
Pardon mein hijaaabon mein

Har dukh ki dawa mein bhi
Har chup ki sada mein bhi
Is aab-o-hawa mein bhi
Is arz-o-sama mein bhi

Majzoob ki sohbat mein
Aashiq ki mohabbat mein
Maa baap ki soorat mein
Is mitti ki moorat mein

Moosa a.s. ke asaa mein bhi
Eesa a.s. ki shifa mein bhi
Yahya a.s. ki haya mein bhi
Yusuf a.s. ki adaa mein bhi

Younus a.s. ke wazeefay mein
Nabiyon a.s. ke saheefay mein
Qur’aan ke khazeenay mein
Makkay mein madinay mein

Zainab s.a. ki zabaan mein bhi
Akbar a.s. ki azaan mein bhi
Haider a.s. ki willa mein bhi
Zahra s.a. ki dua mein bhi

Abbas a.s. ke jazbay mein
Shabbir a.s. ke sajday mein
Narra-e-Haideri a.s. mein
Noor-e-Muhammadi s.a.w.w. mein
—
Singer: Muhammad Samie
Poet: Muhammad Samie
Composer: Muhammad Samie